Aqkaq Sanq Bovq  Dzaw??????????

Aqkaq Sanq Bovq  Dzaw!!!!!!!!!!!!!!!! Aqkaq Sanq Bovq  Dzaw!!!!!!!!!!!!!!!

He  dawq  ya(za)  gaq-e hawq  yawq  myaq  ghaq jawr-e mae, Khoer ngae ba ngaq nae noeq taq  nya-e  lovq-aer nar , naw mavq jir noeq taq-awr ya(za) gaq taq nar noeq mawr nya-e taevq-a , ngaq nae khoer ngae noeq-e nar Aqkaq Sanq Bovq aqjaeq mir nae dzaw-e laer khaer nga laer taevq-aer dur-e ma , (khoer ngae nar yaw zaq mir nae be laer iqnan he lovq-aer noeq-e mir-a)  .

Aer-e nar Aqkaq Sanq Bovq khoer ngae ba yaw myaq jaeq laer bovq dov taq-e laer hawq nger  , dzaw duq hawq ga manr jir yaw kaq gar jav, aer leivq ngae nar ardee neema-anr maq uvr-awr maq dzaw mawvq-e mir nae  tiq kawv laer aer nya-e  tiq kawv nga.

Nymr tiqnan saq  tiqnan  heeq heeq-aer lar mir nae  ardee-e Aqkaq Sanq Bovq he bi dzaw mawvq-e law  mir-a  , te mir nae  ardov , aqnyir  cawq deq jir maq aer ni yawq ghaq nav ni Aqkaq Sanq Bovq he bi dzaw dav mawvq mir-a .,nixawr paeq ba ngaq-e lovq-aer nee noeq maq bi noeq taq-e .

ardee par lar-e lovq-aer yawq jaeq nav ni par lar jir-e mir nae  nixawr paeq-aer noeq kev-awr nae Aqkaqzaq  Aqkaq Sanq Bovq hawr nae Aqkaq  daevq kawv zmq kawvq bi dzaw siq nya mawvq-e mir-a.

ngar hawq ni Aqkaq Sanq Bovq  dzaw-e maq myanr lar-a siq  he gar aer-e lovq-aer ardee dzaw ma laer neema uvr awr nae dzaw nar arymq yaw myanr-aer  zmq-e gar maq kev yar laer aer mawvq mir-a dei.

Aer taq-e lovq tsawrhaq tiq ghaq lovq-aer jir jir ni hawq tiq ghaq-anr taevq-ar jir maq dur yar , yawq ghaq nav ni ghaq biv nae bi lae jae mawvq mir-a , tiq deq nav-a Aqkaq Sanq Bovq aqjaeq janr laer dzaw-a laernoeq-awr nar haq-e hawq jawr-e mae , iqnan ngaq-e mawr do haw-awr nae ngae-e ma  Iqnan ngar Aqkaq Sanq Bovq  yaw myaq-aer maq ya kev nga laer-a ngar noeq ngae lavqkhaq caer dee dee mir-a  ngar Aqkaq Sanq Bovq dzaw-e lovq-aer bovq nya gee nya hawr nae  iqnan zmq nmvq-awr  naw mavq jir ngaq-e lovq-aer bi noeq mawvq mir-a laer aer ma dei.

7 Opinions To “Aqkaq Sanq Bovq Dzaw?”