Za gaq hawq eq gar hu dawq daq
jav-e lovq aer law nar..
Mir khanq anr deavq-e tsawr

jeq anr cavq gaq hawr ir eeq
jir hawr nae sanq bovq aq ma
bir gevq-e mae.

Dawq daq jav-e nar Aqkaq-e tsawr jeq-aq sanq bovq aq ma bovq dav e jeiq maq laeq khmq ni aq nyoq tiq mawr canr hawr ir e nga.

Zanq leir taq hawr xar noeq maq dov ni aq nyoq saeq hawr aq nyoq-e baw khov anr bovq dav hawr pi hawr nae ovq lar ngae

Gar paer keer zoq ovq lar-e aq ga manr kaq mir hawq maevq lar-e nga. Xar noeq maq dov aer sanq bovq aq maq gee jir hawr yaw meeq aer noeq taq hawr aq nyoq baw khov peev dzaq nga, Tiq byawr saq tiq byawr tiq nan tiq pyaeq saq tiq pyaeq peev tevq tiq naq saq tiq naq sanq bovq-e a mawr za noeq taq
Yawq nan yavq tiq nan saq tiq mawr myaq lar, yaw xeevq noeq lanq ngaer yaw oer deq ngaer leir-e mae.

Ir kanr ovq kev ngae-aq sanq bovq aq maq aq nyoq baw khov anr bovq dav taq-e baw ma anr uvr ir jir xaw.

He lovq aer mir nae Aqkaq e dawq jav nga laer-aq sanq bovq aq ma maq jav e mae. Iq nan kev ni Aqkaq-e tsaw jeq Aqkaq-e siq xaq Aqkaq-e dawq maq byov jir ni deavq luvq nga.;….

Lavq khaq caer dee dee paq aer ghae tiq jeiq nar mir khanq e Aqkaq gm leir hawr Aqkaq-e dawq maq bi byov jir paq aer mir khanq e Aqkaq dzaw gevq-e yaw awq paq aer sanq bovq yaw xeevq lav dov taq e nga.

Aqkaq-e daw bovq-e laer-aq yaw myaq jeiq lav dov taq mae
Aer khawvq maq awq, yaw myaq dawq yaw myaq mawr maq leev-a

He gar yaw xeevq deq, jir jir maq leev nga laer aq awq dzaeq leev dzaeq gar dur mir a.

Mir khanq Aqkaq aq ge meq anr aq jeiq-e mir khanq jawr khawvq tiq gar gm hawr sanq bovq he deq dzaw gev hawr he nar aq dee Aqkaq zaq-e tsawr jeq sanq bovq zm ka nya-e gar duq yawq ghaq nav

Aqkaq-e daw maq bi byov ir paq aer Haqniq Aqkaq khanq gm sanq bovq dzaw gevq ka ber.

::: .. Maq bovq tsaq taq gar geeq tsaq.. maq bovq leev taq-e gar gee leev dei., Yawq ghaq nav luvq anr geeq lanq hee dee dee ma, Armeeq..:::

Aqkaq sanq bovq dzaw-e

Ardee   Aqkaq  nae dawq daq daq ka leivq-e  lovq-aer  iqnan kev ni  zmq nmvq  lovq-aer , ni xawr paeq kev  ni  zmq dav leivq-awr  nae  ardee ha-e aqkaqzaq nae ya bi zmq tsavq leivq-e nga.

Iqnan ngar laqkhaq arnav ni caer-e maq siq nya. Aqjaeq mir nae aer nar, ngar Aqkaq-e sanqbovq  ya dzaw-awr nae bovq nya , gee nya-e mir nae . ngaq-e neema-anr tiq jaeq ur-e nar ardee ha-e aqkaqzaq yawqghaq nav lovq Aqkaq-e sanqbovq aq jovq-aer janr nae bi dzaw  dav-e paq nga laer noeq nmvq-e tiq kawv  ma.

Te mir nae yawqghaq nav ni bi lae jae dav mawvq mir-a. Aqkaq-e gar kawv he nar tiq ghaq-e laer jir ni maq nger-a , ardee ha-e Aqkaqzaq-e yaeq ghaq nav-e mae.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.